বহু মহিলাই এই সমস্যাটো লাজ কৰি কাকো নকয়। পেচাব কৰোঁতে জ্বলা-পোৰা কৰে, বাৰে বাৰে পেচাব লাগে, কিন্তু পেচাব কৰিলে অলপহে ওলায়। এইটো সাধাৰণ কথা বুলি এৰি দিলে ডাঙৰ বেমাৰ হ’ব পাৰে।
১ নম্বৰ কাৰণ – পেচাবৰ সংক্ৰমণ (UTI)
মহিলাৰ আটাইতকৈ বেছি হোৱা কাৰণ এইটোৱেই।
পানী কম খালে, বেছি সময় পেচাব ৰাখি থ’লে, পৰিষ্কাৰ নাথাকিলে বীজাণু সোমাই যায়।
লক্ষণ:
– পেচাব কৰোঁতে জ্বলা-পোৰা
– বাৰে বাৰে পেচাব লগা
– পেচাবৰ ৰং ঘোলা, বেয়া গোন্ধ ওলোৱা
– তলপেটত বিষ
২ নম্বৰ কাৰণ – পানী কম খোৱা আৰু তিতা হৈ থকা
দিনটোত পানী কম খালে পেচাব গাঢ় হৈ যায়। তেতিয়া জ্বলা-পোৰা কৰে।
আৰু গৰমত তিতা পেণ্টী বেছি সময় পিন্ধি থাকিলেও সংক্ৰমণ হয়।
৩ নম্বৰ কাৰণ – গোপন অংশৰ সংক্ৰমণ
গোপন অংশত খজুৱতি, বগা পানী, বেয়া গোন্ধ থাকিলে পেচাব কৰোঁতে জ্বলিব পাৰে। ভিতৰত চাবোন, চেণ্ট দিলেও এই সমস্যা বাঢ়ে।
এতিয়া কি কৰিব?
কৰিব:. দিনে ৮-১০ গিলাচ পানী খাব
১. পেচাব লাগিলে ৰাখি নাথাকিব, লগে লগে যাব
২. পেচাবৰ পিছত সন্মুখৰ পৰা পিছলৈ পৰিষ্কাৰকৈ ধুব
৩. শুকান কপাহী পেণ্টী পিন্ধিব
৪. Period ৰ সময়ত ৪-৫ ঘণ্টাৰ মূৰে মূৰে পেড সলনি কৰিব
কেতিয়াও নকৰিব:
১. নিজে ঔষধৰ দোকানৰ পৰা এণ্টিবায়টিক নাখাব
২. ভিতৰত চাবোন, ডেটল, গৰম পানী নিদিব
৩. ৩ দিনতকৈ বেছি ৰৈ নাথাকিব
কেতিয়া লগে লগে ডাক্তৰৰ ওচৰলৈ যাব?
– পেচাবৰ লগত তেজ ওলালে
– জ্বৰ, কঁকালত বিষ, বমি হ’লে
– ৩ দিনতকৈ বেছি জ্বলা-পোৰা থাকিলে
– গৰ্ভৱতী হ’লে
