আপুনি বাৰু দিনটোত কিমান মিঠা খায়? পুৱাৰ চাহকাপৰ পৰা আৰম্ভ কৰি ৰাতিৰ ভাতৰ পিছৰ মিঠাইলৈকে — আমি গম নোপোৱাকৈয়ে প্ৰতিদিনে বহু পৰিমাণৰ চেনি খাই আছো। চাহত ২ চামুচ, বিস্কুটত, কোল্ড ড্ৰিংকছত, চকলেটত, আইচক্ৰীমত। দেখাত মিঠা যদিও ইয়াৰ পৰিণাম অতি তিতা।
এচামুচ চেনিয়ে আপোনাক কেনেকৈ শেষ কৰিছে জানেনে?
১. ডায়েবেটিছৰ মূল কাৰণ:অতিমাত্ৰা চেনিয়ে তেজত শৰ্কৰাৰ পৰিমাণ হঠাৎ বঢ়াই দিয়ে। শৰীৰে বাৰে বাৰে ইনচুলিন নিৰ্গত কৰিব লগা হয়। লাহে লাহে ইনচুলিনে কাম কৰিবলৈ এৰি দিয়ে আৰু টাইপ-২ ডায়েবেটিছ হয়।
২. হৃদৰোগ আৰু ৰক্তচাপ:গৱেষণাত প্ৰমাণিত হৈছে যে বেছি চেনি খোৱা লোকৰ হাৰ্ট এটেক আৰু ষ্ট্ৰোকৰ আশংকা ৩ গুণ বেছি। চেনিয়ে ৰক্তচাপ বঢ়ায় আৰু বেয়া কলেষ্টেৰল বৃদ্ধি কৰে।
৩. মেদবহুলতা আৰু লিভাৰৰ সমস্যা:এচামুচ চেনিত প্ৰায় ১৬ কেলৰি থাকে। অতিৰিক্ত চেনি চৰ্বি হিচাপে পেট আৰু লিভাৰত জমা হয়। ইয়াৰ পৰাই ফেটি লিভাৰ হয়।
৪. দাঁত, ছাল আৰু মানসিক স্বাস্থ্য:চেনিয়ে দাঁতত কেৰিজ সৃষ্টি কৰে, ছালৰ বয়স বঢ়াই আৰু ব্ৰণ বঢ়ায়। আনকি বেছি মিঠা খালে মনত অৱসাদ, খিংখিঙীয়া ভাৱ আৰু টোপনিৰ সমস্যাও হয়।
৫. মিঠাৰ নিচা:চেনিয়ে মগজুত ড’পামিন বঢ়ায়, ঠিক ড্ৰাগছৰ দৰে। সেয়ে এবাৰ খালে আৰু খাবলৈ মন যায়। এয়াই আপোনাক লাহে লাহে ধ্বংস কৰে।
কি কৰিব?
– চাহ-কফিত চেনিৰ পৰিমাণ আধালৈ কমাওক, পাৰিলে এৰক।
– কোল্ড ড্ৰিংকছ, পেকেট জুচ, এনাৰ্জি ড্ৰিংকছ সম্পূৰ্ণৰূপে বন্ধ কৰক। এটা কোল্ড ড্ৰিংকছত প্ৰায় ৮-১০ চামুচ চেনি থাকে।
– মিঠাইৰ সলনি ফল-মূল, খেজুৰ, মধু খাওক।
– পেকেটৰ খাদ্য কিনাৰ আগতে লেবেলত Sugar / Sucrose কিমান আছে চাওক।
মনত ৰাখিব, আপুনি যাক মিঠা বুলি খাইছে, সেয়াই আপোনাৰ শৰীৰৰ বাবে বিষ। আজিৰ এচামুচ চেনিয়ে কাইলৈ আপোনাৰ ডাঙৰ ৰোগৰ কাৰণ হ’ব পাৰে।
মিঠা এৰক, জীৱন বচাওক। আজিৰ পৰাই সাৱধান হওক।
