ৰাজ্যত লাহে লাহে ঠাণ্ডা বাঢ়িবলৈ আৰম্ভ কৰিছে। পুৱা-গধূলি কুঁৱলীৰ লগতে হাড় কঁপোৱা ঠাণ্ডাই মানুহক জুৰুলা কৰিছে। এই ঠাণ্ডাৰ দিনতে আমি অজানিতে কিছুমান ভুল কৰো, যাৰ বাবে চৰ্দি-কাহ, জ্বৰ, ছাল ফটা আদি সমস্যাই দেখা দিয়ে। বিশেষকৈ শিশু আৰু বৃদ্ধসকলৰ বাবে এই সময় অতি সাৱধান হোৱাৰ সময়।
জানক কি কি ভুল কৰিব নালাগে:
১. খালী পেটত ঠাণ্ডা পানী খোৱা:
বহুতে পুৱা উঠিয়েই ফ্ৰীজৰ ঠাণ্ডা পানী খায়। এইটো আটাইতকৈ ডাঙৰ ভুল। খালী পেটত ঠাণ্ডা পানীয়ে ডিঙিৰ সংক্ৰমণ আৰু হজমৰ সমস্যা বৃদ্ধি কৰে। তাৰ পৰিৱৰ্তে কুহুমীয়া পানীৰ লগত অলপ নেমু আৰু মৌ খাওক।
২. খালী ভৰিৰে মজিয়াত খোজ কঢ়া:
শীতকালত মজিয়া অতি ঠাণ্ডা হৈ থাকে। খালী ভৰিৰে খোজ কঢ়াৰ ফলত ঠাণ্ডা পোনে পোনে শৰীৰত সোমায় আৰু চৰ্দি-কাহ লাগে। ঘৰত সদায় চেণ্ডেল বা মোজা পিন্ধি থাকক।
৩. ৰাতি দেৰিলৈ বাহিৰত থকা:
নিশা ৯ বজাৰ পিছত কুঁৱলী আৰু ঠাণ্ডা বতাহ বেছি হয়। এই সময়ত বাহিৰত থাকিলে নিউমোনিয়া হোৱাৰ সম্ভাৱনা বাঢ়ে। সন্ধিয়াৰ ভিতৰতে ঘৰ সোমোৱাৰ চেষ্টা কৰক।
৪. পানী কমকৈ খোৱা:
শীতকালত পিয়াহ কম লাগে বাবে আমি পানী কমকৈ খাওঁ। কিন্তু শৰীৰক পানীৰ প্ৰয়োজন সদায় থাকে। পানী কম খালে ছাল ফাটে, কিডনীত পাথৰ হোৱাৰ ভয় থাকে। দিনটোত অন্তত ৩ লিটাৰ পানী খাবই লাগিব।
৫. পুৰণি কাপোৰ ৰ’দত নিদিয়াকৈ পিন্ধা:
আলমাৰীত থোৱা পুৰণি গৰম কাপোৰত বহু ধূলি আৰু বেক্টেৰিয়া থাকে। ৰ’দত নিদিয়াকৈ পোনে পোনে পিন্ধিলে ছালত খজুৱতি আৰু এলাৰ্জী হয়।
কি কৰিব লাগে?
ৰাতি শোৱাৰ আগত ভৰিত সৰিয়হৰ তেল মালিচ কৰক, ৰাতিপুৱা ১০ মিনিট ৰ’দ লওক আৰু Vitamin C থকা ফল কমলা, আমলখি বেছিকৈ খাওক।
সামান্য সাৱধানতাই আপোনাক ডাক্তৰৰ ওচৰলৈ যোৱাৰ পৰা বচাব পাৰে।
